Միացեք «Կանաչ ուղի» հեծանվային արշավին

Ապրիլի 27-ին` ժամը 15:00-ին Ամերիաբանկը կազմակերպում է «Կանաչ ուղի» հեծանվային արշավ « Օրանժ ֆիթնեսի» և My Bike ընկերությունների, Սիրողական հեծանիվային սպորտի և հեծանիվային զբոսաշրջության ֆեդերացիայի հետ համատեղ, որի շրջանակում պաշտոնապես կբացվեն 10 հեծանվակայաններ Կենտրոն համայնքում, իսկ Երևան քաղաքում կգործեն թվով 18-ը: Արշավին մասնակցելու համար անհրաժեշտ է առցանց գրանցվել Ameriabank CJSC Էջում և ստանալ համապատասխան շապիկներ: Առաջին 100 հեծանվորդները հնարավորություն կստանան նաև վարձակալել հեծանիվներ անվճար: Հեծանվային արշավին կարող են մասնակցել բոլոր ցանկացողները, նաև այն հեծանվորդներն, ովքեր ունեն անձնական հեծանիվ: Արշավի վերջնակետն է «Օրանժ ֆիթնես» ակումբը, որտեղ բոլորը կկարողանան վայելել բացօթյա հանգիստ և շփվել ընկերների հետ: Միասին խրախուսենք կանաչ երթևեկությունը մեր քաղաքում: Արշավը կմեկնարկի Ազատության Հրապարակից: