Ֆիլմի ժամ. Երևակայան սեր

Սիրո մասին ֆիլմ նայել միշտ էլ կարելի է: Այս շաբաթ հրավիրում ենք կանադական արտադրության «Երևակայական սեր» ֆիլմի ցուցադրությանը, որը դարձել է 2010 թվականի Կաննի կինոփառատոնի հայտնությունը՝ արժանանալով Երիտասարդական մրցանակի: Մասամբ՝ ֆարս, մասամբ՝ սիրո բարդության ու ցանկության բացահայտում, ֆիլմը պատմում է երկու մտերիմ ընկերների՝ Ֆրենսիսի (Քսավիե Դոլան) և Մարիի (Մոնիա Չոկրի) մասին, ովքեր պայքարում են նույն գրավիչ երիտասարդի (Նիլս Շնայդեր) ուշադրությանն արժանանալու համար: Որքան այս եռյակը մտերմանում է, այնքան ընկերների սիրո առարկան անհասանելի է թվում, իսկ նրանով տարվածությունը՝ հիասթափեցնող:
Տևողություն՝ 101 րոպե
Լեզու՝ ֆրանսերեն, անգլերեն ենթագրերով
Մուտքը՝ 1000 դրամ` ներառյալ թեյ, սուրճ, քաղցրավենիք:
Ֆիլմի դիտումը տեղի կունենա երկրորդ հարկում: