Արենի գինու փառատոն

Արենի Գինու Փառատոնն այս տարի կիրականացվի հոկտեմբերի 5-ին Վայոց Ձորի
մարզի Արենի համայնքի Արենի գյուղում՝ խոստանալով բազմատեսակ գինիներ,
ազգային ավանդույթներ և գինոտ հուշեր։

Փառատոնի պաշտոնական մեկնարկը կտրվի 13։00-ին ավանդույթ դարձած
խաղողի տրորման արարողությամբ, որը ոչ միայն հանդիսանում է փառատոնի
խորհրդանիշն ու անբաժանելի մասը, այլև խորհրդանշում է գինու
պատրաստման հնագույն ավանդույթները։
Փառատոնի տարարծքում ներկայացված կլինեն արտադրական և տնայնական
գինիներ, սննդի, ձեռագործ իրերի և հուշանվերների տաղավարներ։
Նաև օրվա տարբեր ժամերի կանցկացվեն համերգային ծրագրեր, ազգագրական
երգն ու պարը կապահովեն միջոցառման ուրախ և ջերմ մթնոլորտը։

Հոկտեմբերի 5
Վայոց Ձորի մարզ՝ Արենի գյուղ
Ժամ՝ 11։00 - 17։00

Մուտքը՝ ազատ
Այդ օրը կգործի նաև անվճար ուղևորափոխադրում Երևան-Արենի ուղղությամբ։