«Կաթնեղբայր». բացօթյա կինոդիտում Երևանի կենդանաբանական այգում

Երևանի կենդանաբանական այգում մեկնարկում է «Ոսկե ծիրան» միջազգային կինոփառատոնի հաղթող ֆիլմերի ցուցադրությունների շարք:
Մուտքն ազատ է:
«Կաթնեղբայր» ֆիլմի մասին
Տասը տարեկան Սեթոն ընտանիքի հետ ապրում է փոքր գյուղում: Տղան անհամբեր սպասում է եղբոր մոտալուտ ծննդին: Սեթոն սպիտակ թաշկինակներ է կապում ծառի ճյուղերին՝ հավատալով, թե դա կարագացնի մանկան գալուստը: Դժբախտաբար, նորածինը մահանում է: Փոխարենը մի նորածին գառ է սկսում ապրել ընտանիքում և կերակրվում է Սեթոյի մոր կրծքից:
Ֆիլմի սցենարը գրվել է Վանո Սիրադեղյանի «Գառ-ախպերիկ» պատմվածքի հիման վրա:
«Ոսկե Ծիրան» միջազգային կինոփառատոնի հաղթող ֆիլմերի բացօթյա ցուցադրությունը Երևանի կենդանաբանական այգում իրականացնում է Վայրի բնության և մշակութային արժեքների պահպանման հիմնադրամը: