Երևանի պարարվեստի պետական քոլեջի 90-ամյակին նվիրված հոբելյանական համերգ

Դեկտեմբերի 23-ին, Ա. Սպենդիարյանի անվան օպերայի և բալետի ազգային ակադեմիական թատրոնում կկայանա Երևանի պարարվեստի պետական քոլեջի 90-ամյակին նվիրված հոբելյանական համերգ:
Համերգային ծրագրում ընդգրկված են Պյոտր Իլյիչ Չայկովսկու «Շչելկունչիկ» բալետի 2-րդ գործողությունը , Արամ Խաչատրյանի «Գայանե» բալետի 3-րդ գործողությունը, համերգային համարներ:
Համերգին մասնակցում են քոլեջի սաները, ուսանողները, տարբեր տարիների շրջանավարտներ, ինչպես նաև Ա. Սպենդիարյանի անվան օպերայի և բալետի ազգային ակադեմիական թատրոնի բալետային խումբը և նվագախումբը:
Հոբելյանական համերգի ընթացքում տեղի կունենա քոլեջի վաստակաշատ աշխատակիցների պարգևատրման արարողություն: