Խոհարարական բաց դաս. Իտալական խոհանոց

Դեկտեմբերի 19-ին` ժամը 19:00-ին, ԷՕՆ-ը հրավիրում է բոլորին մասնակցելու խոհարար, արվեստաբան Լևոն Ավագյանի խոհարարական բաց դասին: Լևոնը սովորել է Մոսկվայում, մասնակցել մի շարք միջազգային խոհարարական մրցույթների, որտեղ ներկայացրել է հայկական խոհանոցի ավանդույթները և կերակրատեսակները: Հանդիսանում է Ավագ խոհարարների Գիլդիայի, Մոսկվայի խոհարարների ասոցիացիայի և Հայաստանի խոհարարների ասոցիացիայի անդամ: Նա համոզված է, որ խոհանոցը ևս ստեղծագործական միջավայր է, և իր երկու մասնագիտությունները միմյանց լրացնում են, քանի որ նա հաճույք է ստանում մարդկանց կերակուր մատուցելուց՝ նրբաճաշակ, հետաքրքիր ձևավորությամբ:
Բաց դասի ընթացքում Լևոնը կպատրաստի իտալական մի քանի ուտեստ, միևնույն ժամանակ կներկայացնի իտալական խոհանոցը, կպատմի նրա առանձնահատկությունների մասին, սիրով կպատասխանի հյուրերի հարցերին: Այսպիսով, բաց մի՛ թողեք իտալական խոհանոցի գաղտնիքներին ծանոթանալու հնարավորությունը, վերցրե՛ք ձեզ հետ ձեր բաղադրատոմսերի գրքույքկը և համեցե՛ք ԷՕՆ:
Մուտքը` 1500 դրամ (ներառյալ պատրաստված ուտեստների հյուրասիրություն, թեյ, սուրճ, քաղցրավենիք):