Էկոլոգիական ոտնահետք / Ecological Footprint

Հոկտեմբերի 16-ին` ժամը 11:00-ին Կարին գյուղում գտնվող «Էյ Թի Փի» բարեգործական հիմնադրամի Օհանյան կրթական կենտրոնում «Հարթակ» փառատոնի շրջանակներում տեղի կունենա «Էկոլոգիական ոտնահետք » դասընթացը, որը կիրականացվի Նվարդ Գևորգյանի կողմից:
Միջոցառումն իրականացվում է «Բնապահպանական կառավարման հզորացում ոչ-կառավարական կազմակերպությունների (ՈԿԿ) կարողությունների զարգացման միջոցով» ծրագրի շրջանակներում, որը ֆինանսավորվում է Եվրոպական Միության (ԵՄ) կողմից և իրականացվում է ՄԱԿ-ի Զարգացման Ծրագրի (ՄԱԶԾ) կողմից ԳԷՀ Փոքր դրամաշնորհների ծրագրի (ՓԴԾ) միջոցով»:
«Էյ Թի Փի» -ն Հարթակ փառատոնի շրջանակներում անցկացնում է բացառիկ և շատ կարևոր դասընթաց: Այն նվիրված է 21 դարում առանձնակի կարևորություն ստացած հասկացություներից մեկին` էկոլոգիական ոտնահետքին:
Միասին կհաշվարկենք, թե մարդը ինչ չափով է օգտագործում Երկրի պաշարները և հետևություն կանենք մեր կենսակերպի մասին: Հատուկ ուշադրություն կհատկացվի «ածխածնի հետքին»: Կխոսենք այն մասին, թե մեզնից յուրաքանչյուրն ինչպես կարող է նվազեցնել առօրյա կյանքի տարբեր ոլորտներում իր «էկոլոգիական ոտնահետքը» և վնասակար ազդեցությունը:
Դասընթացը կանցկացվի Կարին գյուղում գտնվող «Էյ Թի Փի» բարեգործական հիմնադրամի Օհանյան կրթական կենտրոնում:
Հոկտեմբերի 16-ին` ժամը 11-ին ավտոբուսը Հանրապետության հրապարակից կշարժվի դեպի Կարին: Վերադարձը՝ ժամը 14:00-ին:
Մուտքն ազատ է:
Նվարդ Գևորգյանը ներկայացնում է Էյ-Թի-Փի ԲՀ կազմակերպությունը: «Էյ Թի Փի»-ի նպատակն է օգնել հայ ժողովրդին ծառերի օգտագործման միջոցով բարելավել իր կենսամակարդակը, ինչպես նաև պահպանել շրջակա միջավայրը: Այդ առաքելութունն իրականացնելիս «Էյ Թի Փի»-ն առաջնորդվում է հետևյալ սկզբունքներով. աջակցել մարդկանց և, առաջին հերթին, չքավորներին հոգալու իրենց կարիքները, ինչպես նաև պահպանել բնական էկոհամակարգերը: «Էյ Թի Փի»-ի երեք խոշոր ծրագրերն են` 1. ծառերի տնկում քաղաքային և գյուղական վայրերում 2. բնապահպանական կրթություն 3. կայուն զարգացում և աղքատության կրճատում:
Նվարդ Գևորգյանը ծնվել է Երևանում: Ուսանել է Երևանի պետական համալսարանի կենսաֆիզիկայի բաժնում: 1981-1989թթ-ին աշխատել է Սրտաբանական ինստիտուտի դեղագործական լաբորատորիայում: 1990-2015թթ-ին աշխատել է Երևանի #49 դպրոցում: 2012թ-ից աշխատում է «Էյ Թի Փի» ԲՀ-ում որպես վերապատրաստումների համակարգող և վերապատրաստող: