«Մեղքից այն կողմ» Բալետ

Բալետ` Բորիս Էյֆմանի
Ֆ. Մ. Դոստոեւսկու վեպի հիման վրա

ԱԿՏ ԱՌԱՋԻՆ
Դմիտրին, Իվանը և Ալյոշան, չնայած բազում տարբերություններին, կապված են միմյանց հետ անտեսանելի թելերով` նրանց միավորում է հոր` Ֆեոդոր Պավլովիչ Կարամազովի «գարշահոտ, մեղքաշատ» արյունը: Զուր են պատանի վանական Ալյոշայի`խճճված կրքերը մարելու փորձերը : Նա տեսնում է հոր և Դմիտրիի կատաղի մրցակցությունը Գրուշենկայի համար, Ֆեոդոր Պավլովիչի անվերջանալի գինարբուքները, որը նաև ջանում է բոլորին ներքաշել հեշտասիրության հանցանքի մեջ:
ԱԿՏ ԵՐԿՐՈՐԴ
Իվանն ու Ալյոշան անվերջ վիճում են կյանքի էության, մարդկային հոգու մասին: Վեճը նյութականանում է Իվանի կողմից հնարած առասպելի կերպարների մեջ`Մեծ Ինկվիզիտորի ու Քրիստոսի մասին, որը վերստին այցելել է մեր մեղքաշատ երկիրը: Ինչն է բարօրությունը մարդկանց համար` ստրկական կուշտ հեզությունը, ինչպես պնդում է Ինկվիզիտոր Իվանը, թե սրտի ու հոգու ազատությունը, որը պաշտպանում է Քրիստոս-Ալեքսեյը
Զոհաբերության մղումով տոգորված և մաքրման ձգտումով առլեցուն Գրուշենկան բանտում այցելում է Դմիտրիին: Անմեղ դատապարտված, վերջինս ծանր է տանում սիրելիի հետ բաժանումը:
«Ընտանիքի» վերջը ահավոր է` Ֆեոդոր Պավլովիչը սպանված է, Դմիտրին`բանտարկված, Իվանը`խելացնոր, Ալեքսեյը մեղսակից է անթիվ անմեղ զոհերի համար... Եվ այնուամենայնիվ, որքան էլ մեղավոր մարդը անկում ապրի, նա հնարավորություն ունի մեղքերի քավության ուղու վրա կանգնելու...