Բարեգործական համերգ՝ հանուն քաղցկեղով հիվանդ երեխաների բուժման

«Ջավախքին աջակցություն» հիմնադրամի և «Ֆոնդ 100» -ի գործընկերությամբ, «Ռուսական մշակույթի և գիտության կետրոնի» -ի տեղեկատվական աջակցությամբ սեպտեմբերի 7-ին՝ ժամը 19:00-ին, Առնո Բաբաջանյանի անվան համերգասրահում տեղի կունենա Վ. Վիսոցկու երգերի և հեղինակային կատարումների բարեգործական համերգ, որի հասույթն ամբողջությամբ կուղղվի քաղցկեղով հիվանդ երեխաների բուժմանը: Համերգին իր կատարումներով հանդես է գալու հատուկ այդ նպատակով ԱՄՆ-ից ժամանած Սերգեյ Աղաբաբյանը, ով, ապրելով և ստեղծագործելով ԱՄՆ-ում, հաճախ է բարեգործական տարբեր նախաձեռնություններով հանդես գալիս:
Տոմսերի արժեքը՝ 2000 և 3000 դրամ:
Հ.գ. համերգի մասնակիցներին խոստանում ենք հաշվետվություն: