Աիկա Հայաստանի Քննադատական հանդեսի մրցանակաբաշխությունը/Award Ce

Սիրով հրավիրում ենք ձեզ ներկա գտնվելու ԱԻԿԱ Հայաստանի Քննադատական Հանդեսի սահմանած մրցանակների հանձնման արարողությանը։ Մրցանակների հանձնումը տեղի կունենա Ակումբ-ում, Թումանյան 40, դեկտեմբերի 27-ին, 19։00։
Մրցանակները կհանձնվեն «Անտեսված իրականը» ( Կալենց թանգարանի) և «Երևանյան կոլեկցիոներների ընտրությունը 3՝ Բորիս Գալստյանի հավաքածու. Մինաս, Վրույր, Դեղձ Աշոտ» (Գաֆեսճեան արվեստների կենտրոնի) ցուցահանդեսների մասին գրված քննադատական հոդվածների շուրջ անցկացված մրցույթների հաղթողներին, ինչպես նաև ԱԻԿԱ Հայստանի անդամների մշտադիտարկման արդյունքում առանձնացված և անկախ ժյուրիի կողմից ընտրված՝ 2016թ․հունիս-դեկտեմբեր ժամանակահատվածում հրատարակված լավագույն հոդվածների հեղինակներին։
Քննադատական հանդեսի նպատակն է խթանել ժամանակակից արվեստի և մշակույթի իրադարձությունների վերաբերյալ քննադատական տեքստերի արտադրությունը Հայաստանում:
Նախագիծը իրականացնում է «Մշակույթի եւ կառավարման լաբորատորիան» «Հարավային Կովկասի տարածաշրջանային արվեստ և մշակույթ» նախագծի շրջանակներում՝ Հարավային Կովկասում շվեյցարական համագործակցության գրասենյակի ֆինանսական աջակցությամբ (SCO)։