Ֆիլմի ցուցադրություն ՆԱՄ-ում

Փետրվարի 1-ին՝ ժամը 19:00-ին, «Նարեկացի» արվեստի միության և Հայաստանի ազգային կինոկենտրոնի համագործակցությամբ ստեղծված «Հայկական կինոյի էջերից» միասնական ծրագրի սահմաններում ՆԱՄ-ում կցուցադրվի «Հայֆիլմ» կինոստուդիայի առաջին՝ «Նամուս» կինոնկարը:
Ֆիլմը նկարահանվել է Ալեքսանդր Շիրվանզադեի համանուն դրամայի հիման վրա. այն պատմում է երիտասարդ զույգի՝ Սեյրանի և Սուսանի ողբերգական սիրո մասին։
Երեկոյի հյուրը կլինի ռեժիսոր, դրամատուրգ Խաչիկ Չալիկյանը, ով կներկայացնի, թե ինչ նշանակություն է ունեցել այս ֆիլմը հայկական կինոաշխարհի պատմության մեջ՝ անդրադառնալով նաև «Նամուս» կինոնկարի ստեղծման հետաքրքիր պատմությանն ու փաստերին:
Ռեժիսոր և սցենարի հեղինակ՝ Համո Բեկնազարյան
Օպերատոր՝ Սերգեյ Զաբոզլաև
Երաժշտություն՝ Անահիտ Սիմոնյան (վերականգնված տարբերակ)
Կինոընկերություն՝ Հայաստանի Պետֆոտոկինո (Վրաստանի Պետկինոարտի հետ համատեղ)
Տևողություն՝ 62 րոպե, վերականգնված տարբերակը՝ 85 րոպե
Մուտքն ազատ է: