«Աուտիզմ մոլորակ» ֆիլմի ցուցադրություն

Ապրիլի 25-ին՝ ժամը 20:00-ին, «Նարեկացի» արվեստի միությունում տեղի
կունենա «Աուտիզմ մոլորակ» ֆիլմի ցուցադրությունը:
Միջոցառումն իրականացվում է «Աուտիզմ ազգային հիմնադրամի» և «Իմ ուղին»
ուսումնավերականգնողական կենտրոնի նախաձեռնությամբ:
Վավերագրական ֆիլմի հիմնական հերոսները մեր կողքին ապրող աուտիզմ ունեցող
երեխաներն են, նրանց ընտանիքի անդամներն ու այն մարդիկ, ովքեր ջանք ու
եռանդ չեն խնայում այդ երեխաների ապագան առավել լուսավոր դարձնելու համար:
2008 թվականին ՄԱԿ-ի գլխավոր ասամբլեան միաձայն հայտարարեց ապրիլի 2-ն
Աուտիզմի մասին իրազեկման համաշխարհային օր՝ ընդգծելով աուտիզմ ունեցող
երեխաների և մեծահասակների կյանքի որակը բարելավելու անհրաժեշտությունը,
որպեսզի նրանք վարեն լիարժեք ու բովանդակալից կյանք. ամբողջ ապրիլ ամիսը
նվիրված է աուտիզմ ունեցող մարդկանց խնդիրների լուսաբանմանն ու իրազեկմանը:
Ֆիլմի ցուցադրության ավարտից հետո կանցկացվի զրույց-քննարկում:
Մուտքն ազատ է..