Մինի կոլաժների ցուցահանդես. «Ժամանակը հիմա է…»

Մայիսի 11- ին` ժամը 19:00- ին Նարեկացի Արվեստի Միությունը հրավիրում է Աննա Ավագյանի «Ժամանակը հիմա է…» խորագիրը կրող մինի կոլաժների ցուցահանդեսի բացմանը:
Մասնագիտությամբ լեզվաբան Աննան իր կոլաժները ստեղծում է իր ժամագործ պապիկից ժառանգություն մնացած ժամացույցների մասնիկներից: Աննայի նրբանկատ աչքով ժամացույցի փոքրագույն մասնիկներից փոքրիկ հուզական պատմություններ են ծնվում, սկսում ապրել, ապա քարանալ ժամանակի մեջ: Եթե ցանկանում եք բռնել ժամանակի զարկերակը և Աննային հնարավորություն տալ նոր կոլաժներ ստեղծելու, ապա միջոցառմանը կարող եք ներկայանալ ոչ պիտանի ժամացույցներով:
Ցուցահանդեսը բաց կլինի մինչև մայիսի 17- ը:
Մուտքն ազատ է: