Հորսթ Քեխելե. հանդիպում և գրքի շնորհանդես

Սեպտեմբերի 18-ին` ժամը 19:00-ին Նարեկացի Արվեստի Միության դահլիճում տեղի կունենա «Հոգեվերլուծական թերապիա» գրքի շնորհանդեսը:
Գրքի հեղինակներն են Ուլմի համալսարանի (Գերմանիա) հոգեթերապիայի ամբիոնի երկու ղեկավարներ Հելմութ Թոմեն և Հորսթ Քեխելեն:
Շնորհանդեսին ներկա կլինի Ուլմի համալսարանի դոցենտ, Միջազգային Հոգեվերլուծական Համալսարանի պրոֆեսոր Հորսթ Քեխելեն:
Եռահատոր աշխատությունը ընդլայնում է հոգեվերլուծական պրակտիկայի և գիտական հետազոտությունների սահմանները և արծարծում դրանց ապագային առնչվող հարցերը: Այն նախատեսված է հոգեբանների, բժիշկ-հոգեթերապևտների, մանկավարժների և թեմային առնչվող այլ մասնագետների համար:
Գիրքը կարճ ժամանակահատվածում ընդունվել է որպես դասագիրք և հոգեվերլուծական գրականության դասականների շարքին դասվել: Այն թարգմանվել է եվրոպական գրեթե բոլոր լեզուներով:
Աշխատության հայերեն թարգմանությունը հանդիսատեսին կներկայացնի Հայկական Հոգեվերլուծական ասոցիացիայի նախագահ Անժելա Վարդանյանը:
Մուտքն ազատ է: