Կենդանի ներկայացում, վիդեո եւ հնչյունային ինստոլացիա

Միշա Բադասյանը (Բեռլին / Գերմանիա) Վարդան Հարությունյանի հետ համագործակցությամբ (Երեան/Հայաստան) կենդանի ներկայացում, վիդեո եւ հնչյունային ինստոլացիա:
Ցուցադրության կազմեկիրպիչն է Արվեստի եւ մշակութային ուսումնասիրությունների լաբորատորիան, Երեանի Արդի արվեստի թանգարանի աջակցությամբ;
Օգտագործելով “մտիր” բայական իմպերատիվի փոխաբերական տարբեր իմաստներն, արվեստագետ Միշա Բադասյանը ընդծում է նրա առընչությունը փոփոխության հետ՝ “մուտք գործելով “ մարդը հայտնվում է նոր իրականության մեջ, եւ շարժման մեջ գտնվող այդ տեղափոխությունը առաջ-ընթացային է՝ “մուտք գործելով” ետ չես նայում”, - համարում է արվեստագետը: Ըստ նրա, “մուտքի” փոխաբերությունը առընչվում է նաև ժամանակի, տարածության եւ տարածաքաղաքականության հետ, այն աշխատում է գլոբալ, ազգային եւ լոկալ մակարդակներում՝, փախստականները հայտնվելով նոր երկրամասերում անխուսափելիորեն առընչվում են “ուրիշ” մշակույթի եւ լեզվի համատեքստերի հետ, աստղագնացները մուտք գործելով լուսնի վրա՝ վերա-նվաճում են տիեզերքը, երբ իշխելու գլոբալ մրցավազքը ծավալվում է առ Ծիրն եւ ավելի հեռու..
Միշա Բադասյանը կենդանի փերֆորմանսի եւ վիդեո արտի հետեւորդներից է: Ծագումով հայ արվեստագետը ծնվել է Դոնի Ռոստով քաղաքում, բնակվում է Բեռլինում: Միշա Բադասյանը ուսանելէ քաղաքագիտություն Ռոստովի Հարավային համալսարանում, որից հետո աշխատակցել է մարդու իրավունքների, միջավայրի պաշտպանության եւ քվիր ինքնությունների խնդիրներով զբաղվող գրասենյակում՝ այդ գործնեության թեմատիկ ուղղվածություններն ու առանձնահատկությունները մեծ ազդեցություն են գործել արտիստական իր պրակտիկաների վրա: 2008թ. Մ. Բադասյանը տեղափոխվում է Դրեզդեն, որտեղ ներգրավվում է նույնատիպի գործնեության մեջ, իսկ 2011թ. նա մեկնում է Բրիտանիա ուսումնասիրելու “կենդանի փերֆորմանս“ արվեստի այն ուղղությունն, որն էլ նա սկսում է ակտիվորեն կիրառել մինչ օրս նախագծերի իր զգալի մասում: