Կախովի այգի Կասկադի մո՞տ

Հոկտեմբերի 27-ին՝18:00-ին, Loft-ի հյուրն է Heiko Conrad-ը, ով հայագետ է, բնակվում է Բեռլինում և այս պահին Երևանում է ընդամենը մի քանի օրով: Նա գալիս է Loft՝ հետաքրքիր և յուրօրինակ գաղափարով, որը, կարծում ենք մեծ հավանության կարժանանա: Այն իրականացնելու համար Heiko-ին անհրաժեշտ են մտքեր, քննարկումներ և, իհարկե, օգնականներ:
Գաղափարը հետևյալն է. Կասկադի ձախ և աջ կողմերում, ամենաներքևի հարթակից մինչև վերև մի պարտեզ սարքել, որը հոգեհարազատ կլինի Ալ. Թամանյանի՝ Երևանը որպես պարտեզների քաղաք ստեղծելու գաղափարին։
Բոլորս էլ գիտենք, որ Կասկադը Երևանի մշակութային կիզակետն է, քաղաքի հանդիպավայրը թե՛ երիտասարդների, թե՛ տարեց մարդկանց համար: Այն արդեն իսկ պարտեզի և արվեստի համադրում է։ Ուրեմն ինչու՞ ավարտին չհասցնել արդեն սկսածը և է՛լ ավելի չգեղեցկացնել Երևանի սիրտը:
Մեր Կասկադը կարող է դառնալ աշխարհի նոր հրաշալիքներից մեկը: