Իմ քեռի Ռաֆայելը

Մարկ Ֆուսկոյի և Վահիկ Փիրհամզէի «Իմ քեռի Ռաֆայելը» հոլիվուդյան կոմեդիան հայերենով` hունվարի 6-ից բոլոր կինոթատրոններում:
«Իմ քեռի Ռաֆայելը» կպարգևի ձեզ անհագուրդ ծիծաղ: Հոլիվուդյան հուսահատ պրոդյուսերը համոզում է տարիքն առած մի հայազգի տղամարդու դառնալ ռեալիթի շոուի աստղ: Երբ քեռի Ռաֆայելը հայտնվում է Շումահերների ընտանիքում, անխուսափելի է դառնում մշակույթների բախումը: Մեր հերոսն ունի ընդամենը 1 շաբաթ, որի ընթացքում պետք է փրկի կործանման եզրին գտնվող ամերիկյան ընտանիքը: Ամերիկան ունի պրոբլեմ, իսկ հայազգի քեռի Ռաֆայելը ունի բոլոր լուծումները. միակ պայմանն այն է, որ բոլոր պայմանները թելադրում է հենց ինքը՝ քեռի Ռաֆայելը:
Գլխավոր դերում նկարահանվել է սփյուռքում ճանաչված և սիրված դերասան Վահիկ Փիրհամզէին, ում կերպարը ոգևորել է հոլիվուդյան ռեժիսոր Մարկ Ֆուսկոյին ֆիլմի ստեղծման համար: Ֆիլմում քեռի Ռաֆայելի ընտանիքի միջոցով ներկայացված են հայկական սովորույթները, արժեքները, տրված է պատմամշակութային տեղեկություն Հայաստանի և հայ ժողովրդի մասին: Հայկական ավանդական արժեքներով ապրող քեռի Ռաֆայելի խորհուրդները օգտակար են դառնում տարբեր ազգային պատկանելություն ունեցող մարդկանց համար, հատկապես՝ ամերիկյան փլուզվող ընտանիքի: