One Billion Rising: Armenia 2016

Արդեն ժամանակը չէ՞ բարձրացնելու մեր ձայնը և շղթաները կոտրելու..
Վերջապես մոտենում է տարվա ամենասպասված օրերից մեկը, երբ միասին կբարձրացնենք մեր ձայնը կանանց նկատմամբ բռնության ու կանանց իրավունքների ոտնահարման դեմ, կոչ կանենք բոլոր կանանց լինել առավել քաջ, վճռական և չվախենալ պայքարել սեփական իրավունքների համար՝ ընտրելով ստեղծագործ ճանապարհներ: Մենք նույնպես ընտրել ենք ստեղծագործ ուղի` բարձրացնելու մեր ձայնը: Փետրվարի 14-ին միացեք մեզ և միասին դարձնենք այդ օրը տոն ONE BILLION RISING միջազգային պարային արշավի, կանանց քաջալերող ու ոգեշնչող պաստառների, տեղեկատվական թռուցիկների և կանանց ոգևորող հաղորդագրություններով ու մաղթանքներով բացիկների շնորհիվ: Ակցիայի ընթացքում քայլելու ենք Հյուսիսային պողոտայով և բոլորին մասնակից դարձնենք մեր տոնին ու հնարավորություն տանք իրազեկվելու և ոգեշնչվելու:
Պարն աշխարհի ամենահզոր ուժերից մեկն է, այն տալիս է հնարավորություն կոտրելու շղթաները և ի լուր աշխարհին բարձրացնելու մեր ձայնը բռնության դեմ: Այսպիսով բաց մի թող ՔՈ իսկ հնարավորությունը մասնակից դառնալու այս գեղեցիկ տոնին:
Եկեք~ պարեք~ իրազեկվեք~ ոգեշնչվեք~ և պարզապես լավ ժամանակ անցկացրեք մեզ հետ~
Սիրո՜վ սպասում ենք բոլորիդ ^_^