Աշխատանքի հնարավորություն «Teach for Armenia»-ի հետ

Իսկ դու գիտե՞ս, որ Հայաստանի մարզերում կան դպրոցներ, որտեղ որոշ առարկաներ տարիներ շարունակ չեն դասավանդվում, քանի որ դպրոցը չունի համապատասխան մասնագետ։ Կամ որ Հայաստանում 4 աշակերտից մեկը չի ավարտում անգամ ավագ դպրոցը։
Այժմ Դու ունես հնարավորություն կերտելու քո կարիերան, դառնալու կայացած մասնագետ, փայլուն առաջնորդական հմտություններով ուսուցիչ՝ միևնույն ժամանակ նպաստելով վերոնշյալ խնդիրների լուծմանը։
«Կրթություն Հայաստան»-ը հավաքագրում և վերապատրաստում է քեզ պես համալսարանների շրջանավարտների որպես ուսուցիչներ և այնուհետև գործուղում վերջիններիս Հայաստանի մարզային դպրոցներ, որտեղ կա նրանց մասնագիտությամբ ուսուցչի կարիք։ Ծրագրի առանձնահատկությունն այն է, որ պարտադիր չէ մասնակիցը մասնագիտությամբ լինի մանկավարժ, միայն հարկավոր է դասավանդելու և Հայաստանի զարգացմանը նպաստելու ցանկություն: Մյուս խնդիրները, ինչպիսիք են Ձեր վերապատրաստումը և տեղավորումը մարզային դպրոցներում կլուծի ծրագիրը։
Եթե ուզում ես զբաղվել իմաստալից գործով և հավատում ես, որ ամեն երեխա պետք է ունենա լավ կրթություն ստանալու հնարավորություն, ապա միացի՛ր մեզ մարտի 24-ին՝ ժամը 19։00-ին։ «Կրթություն Հայաստան»-ի հավաքագրման և ընտրության տնօրեն Թենի Ավագյանը կներկայացնի ծրագիրը և կպատասխանի քո բոլոր հարցերին։ Սիրով սպասում ենք Քեզ։
Մուտքը՝ ազատ: