Արդ, կատարյա՛լ եղեք դուք, ինչպես ձեր երկնավոր Հայրն է կատարյալ

Շարունակում ենք «69.120 բարության րոպե» նախագծի նպատակներից մեկին՝ իրազեկմանը միտված իրադարձությունների շարքը:
Փետրվարի 25-ին՝ 19:00-ին, սպասում ենք ձեզ LOFT-ում՝ մասնակցելու հետաքրքիր քննարկման:
Քրիստոնեությունը կատարելության կրոն է: Քրիստոնյան կոչված է կատարյալ լինելու, կատարյալ, ինչպես Աստված` Ամենասուրբ Երրորդությունը, որովհետև մարդը ստեղծված է ըստ Աստծո պատկերի (Ծննդ. 1:27): Սակայն մենք մեղքի ճանապարհով ավելի հաճախ կորցնում ու աղավաղում ենք այդ «պատկերը», քան լինում ու մնում այնպիսին, ինչպիսին մեզ Տերն է արարել, ինչպիսին Հիսուս Քրիստոսն է ուզում, որ մենք լինենք. «Արդ, կատարյա՛լ եղեք դուք, ինչպես որ ձեր երկնավոր Հայրն է կատարյալ» (Մատթ. 5:48):
Ահա թե ինչ ենք քննարկելու հանդիպման ընթացքում:
Օրվա հատուկ հյուրը Սուրբ Զորավոր Աստվածածին Եկեղեցու Խորհրդակատար Տեր Վահան քահանա Առաքելյանն է, ով հանդիպման ընթացքում հանդես կգա նաև վարողի դերում:
Մուտքը՝ ազատ
Մասնակցությունը հաստատելու համար կարող եք զանգահարել մեզ: