«Երեք խոզուկները». հեքիաթներ ճամպրուկից

Օլօլօ/ Ololo շարժական տիկնիկային թատրոնը եւ ՏաՏան շարունակում են ներկայացնել «Հեքիաթներ ճամպրուկից» շարքը: Այս կախարդական ճամպրուկը եղել է աշխարհի գրեթե բոլոր անկյուններում ու ձեզ համար բազմաթիվ հեքիաթներ է բերել: Բավական է բացել այն, ասել կախարդական խոսքերը եւ հեքիաթները իրենք իրենց դուրս կսողան ճամպրուկից:
Այս կիրակի կրկնում ենք շատ մեծ հետաքրքրություն վայելող «Երեք խոզուկները» անգլիական հեքիաթը: Միասին կկառուցենք խոզուկների տնակները, կփորձենք դրանց ամրությունը: Իսկ հեքիաթից հետո սպասվում է հետաքրքիր խաղ-գլուխկոտրուկ: Նախագիծը ինտերակտիվ է՝ երեխաները կմասնակցեն հեքիաթի ստեղծմանը եւ զարգացմանը, իրենք կպատրաստեն հեքիաթի հերոսներին, կօգնեն հաղթահարել դժվարությունները, կերգեն հերոսների հետ:
Հեքիաթ-ներկայացումը նախատեսված է 3-10 տարեկան երեխաների համար իրենց ծնողների հետ միասին: Մեր սրահը սահմանափակ տեղեր ունի, հետեւաբար նախնական գրանցումը պարտադիր է: Մեծահասակների համար մուտքն արժե 2000դրամ, իսկ երեխաների համար` 1000: Եթե երեխան մասնակցում է առանց ծնողի, մուտքը 2000դրամ է:
Մեր հասցեն` Բուզանդի 43 կամ Մաշտոցի այգի (Մարգարյան հիվանդանոցի հարեւանությամբ):
Կհանդիպենք կիրակի` 12:00-ին ՏաՏայում