Հանրային Դասախոսություններ Կանանց և Գենդերային Հիմնախնդիրների Վերաբերյալ

«Կանանց ռեսուրսային կենտրոն» հասարակական կազմակերպությունը Հարավային Կովկասում Հայնրիխ Բյոլ հիմնադրամի տարածաշրջանային գրասենյակի (Թբիլիսի) հետ համատեղ կազմակերպում է հանրային դասախոսությունների շարք, որոնք նվիրված են Հայաստանում կանանց հիմնախնդիրների պատմության և արդի իրավիճակի ուսումնասիրությանն ու քննարկմանը: Այս հանրային միջոցառումը ներառում է 6 դասախոսություններ, որոնք ներկայացնում են հայ կանանց հիմնախնդիրները մարդկային կենսագործունեության տարբեր բնագավառներում՝ արվեստ, քաղաքականություն, ռազմական կյանք և այլն:
Դասախոսությունների ժամանակացույցը (մայիս-հուլիս, 2016)՝
Մայիսի 19՝ «Ռազմականացված առնականությունը և բռնությունը բանակում»
բանախոս՝ Միլենա Աբրահամյան
Մայիսի 26` «Վերհանելով գենդերային դիսկուրսը Հայաստանում. հիստերիայից դեպի կառուցողական երկխոսություն»
բանախոս՝ Աննա Հարությունյան
Հունիսի 2` «Ինչու՞ կանայք պետք է քաղաքականացվեն և ինչու՞ պետք է քաղաքականացնել նրանց պայքարը»
բանախոս՝ Արմինե Առաքելյան
Հունիսի 16` «Կնոջ մարմինը ի ծառայություն գաղափարախոսությանը 20-րդ դարի վրացական կինոյում»
Բանախոս՝ Թամթա Թաթարաշվիլի
Հունիսի 30՝ «Ամուսնության օրենքը և մշակույթը 1876 – 1914թթ. Օսմանյան հայության շրջանում»
բանախոս՝ Հասմիկ Խալափյան
Հուլիսի 7` «Գենդերային քվոտաներ.կողմ և դեմ»
բանախոս՝ Թամարա Հովնաթանյան
Հանդիպումները տեղի են ունենալու երեկոյան ժամերին՝ 18:30-ից մինչև 20:30, Էոն հակասրճարանում, Տերյան 34, ք. Երևան:
Դասախոսությունների լեզուն՝ հայերեն: Վրաստանից մեր գործընկերուհու ելույթը կլինի անգլերեն:
Դասախոսությունների ավարտին մասնակիցներին տրվելու են վկայականներ: Դրանք ձեռք բերելու համար անհրաժեշտ է մասնակցել բոլոր դասախոսություններին: