Տեղեկատվական Հոսքերի Ձևավորում և Կառավարում Քառօրյա Պատերազմի Օրինակով

Մայիսի 24-ին` ժամը 19:00-ին, ԷՕՆը հրավիորւմ է մի շատ արդիական սեմինարի: Սեմինարի ընթացքում մենք 2014 թվականի օգոստոսի և 2016 թվականի ապրիլի ռազմական գործողությունների օրինակների վրա համակարգված կուսումնասիրենք Ադրբեջանական քարոզչության անատոմիան:
Միասին կդիտարկենք այն հիմնական մեխանիզմները, մեթոդները և հնարքները, որոնք օգտագործվում են հակառակորդի կողմից ռազմական գործողությունների ժամանակ ծավալվող տեղեկատվական պատերազմի ընթացքում: Կքննարկենք բոլոր այն հնարավոր մեթոդները, որոնց միջոցով կարելի է բացահայտել հակառակորդի ապատեղեկատվական և կեղծ գործողությունները: Սեմինարի ընթացքում նաև կսովորենք տվյալ թեմայի վերաբերյալ ավելի տեղեկացված լինելու հնարքները:
Դասընթացավարն է Անժելա Էլիբեգովան` Բրյուսովի անվան Լեզվագիտական-հասարակագիտական համալսարանի Տեղեկատվության և հանրային հաղորդակցման գիտական-կրթական կենտրոնի դասախոս, Հարավային Կովկասի քաղաքականության փորձագետ, քաղ.գիտ. թեկնածու:
Ընդհանուր տևողությունը՝ 2 ժամ
Մուտքը` 1500 դրամ (ներառյալ թեյ, սուրճ, քաղցրավենիք):