«Որոնումներ Հեռացող Աշխարհում» լուսանկարչական ցուցահանդես
Համադրող՝ Արփա Հակոբյան
Ինչ է կորցնում մարդը, և ինչն է սկսում փնտրել, անգամ ուշացումով: Միանշանակ չէ, բայց փաստ է, որ բոլորս էլ ինչ որ տեղ մի բան կորցրել ենք: Ունենք նման զգացողություն: Ժամանակ առ ժամանակ ակտիվ, ապա պասիվ, հետո նորից… «Սովետի մնացորդը», «Միևնուն արևի տակ», «Կոնդ», «Կանգնեցրած պահը», բոլոր այս վերնագրերը խորքում որոնման շունչ ունեն: Ինչ որ բան անժամկետ կորել է, լինի դա էներգիա, սովետ, թե պահ …. Փնտրիր և գտիր, հաստատիր Քո իրական աշխարհը, որտեղ որ Դու լավ կզգաս Քեզ: