«Երուսաղեմը հայ արվեստագետի հայացքով»

Օգոստոսի 29-ին՝ ժամը 19:00-ին, «Նարեկացի» արվեստի միությունում տեղի կունենա արվեստագիտության թեկնածու, դոցենտ Արամ Համբարյանի (Երուսաղեմ) «Երուսաղեմը հայ արվեստագետի հայացքով» խորագիրը կրող անհատական ցուցահանդեսի բացումը:
Կներկայացվեն նկարչի գեղանկարչական գործեր, որոնք արվել են Երուսաղեմ քաղաքում: Նկարները իրենց մեջ արտացոլում են արևելյան կոլորիտը:
Արամ Համբարյանը ներկայումս դասավանդում է Երուսաղեմի ժառանգավորաց վարժարանում:
Սիրով սպասում ենք բոլորին…
Մուտքն ազատ է: