«Ֆրեսկո» արդի արվեստի և հոգևոր ֆիլմերի 3-րդ միջազգային փառատոն

Օգոստոսի 19-ից 29-ը Հայաստանում կանցկացվի «Ֆրեսկո» արդի արվեստի և հոգևոր ֆիլմերի 3-րդ միջազգային փառատոնը:
Բացօթյա կինոդիտումներ, համերգներ ու ցուցահանդեսներ, մեկ տասնյակից ավելի միջազգային հյուրեր.
Օգոստոսի 26- 28-ը երեկոյան Կարապի լճում տեղի կունենան բացօթյա կինոդիտում-քննարկումներ ֆիլմերի հեղինակների մասնակցությամբ և կենդանի համերգային ծրագրեր:

Օգոստոսի 26 - «Մրրոն և ընկերները» խորագրով ազգագրական համերգ
Օգոստոսի 27 - բեմում է «Ալեքսանդրապոլ Օրկեստրա» խումբը
Օգոստոսի 28 - փառատոնի պաշտոնական փակումն ազդարարող միջոցառում

Այս տարի «Ֆրեսկո»-ի ֆիլմացանկում ներառված են 22 երկրներից ներկայացված 76 կինոժապավեն: Ֆիլմերի մրցութային ծրագրի ժյուրին հենց ինքը հանդիսատեսն է. յուրաքանչյուր ֆիլմի առաջին ցուցադրության ժամանակ կինոդիտման մասնակիցները նախապես պատրաստված թղթերի միջոցով կքվեարկեն իրենց նախընտրած ֆիլմի օգտին:

Սոցիալական շեշտադրությամբ մշակութային այս նախաձեռնության նպատակը հոգևոր ասելիք ունեցող համաշխարհային միջոցառումների և մշակութային նմուշների ցուցադրությունն է և դրանցում արծարծված հարցերի շուրջ առողջ և ազատ հանրային քննարկումների կազմակերպումը: