Հենրիկ Բախչինյանի գրքի շնորհանդեսը ՆԱՄ-ում

Սեպտեմբերի 13-ին՝ ժամը 19:00-ին, «Նարեկացի» արվեստի միությունում տեղի կունենա գրականագետ, սայաթնովայագետ, թարգմանիչ, Հայաստանի գրողների միության անդամ Հենրիկ Բախչինյանի «Սայաթ-Նովայի բանաստեղծական ժառանգությունները» գրքի շնորհանդեսը:
Գրքի հրատարակումն իրականացվել է «Նարեկացի» արվեստի միության և «Մելոս» ընկերության համատեղ ջանքերով:
Աշխատության մեջ Հենրիկ Բախչինյանը ներկայացնում է խոշորագույն աշուղ-բանաստեղծի ողջ ժառանգությունը և հայերեն խաղերի ճշգրտված բնագրերը՝ արևելահայերեն արձակ վերածումներով, հանգամանալի ծանոթագրություններով ու մեկնություններով:
Մուտքն ազատ է: