Փորձնական Delf, Dalf քննություն

Ցանկանու՞մ եք հանձնել Delf Dalf քննություն, բայց դեռ հնարավորություն չեք ունեցել նախապես պատրաստվել, կամ գուցե պատրաստվել եք թեստին, սակայն չգիտեք, թե ինչպես է անցնում իրական քննությունը, վստահ չե՞ք, որ այն կհաջողեք:
Հայաստանում միակ լիցենզավորված քննական կենտրոնը՝ Ալիանս Ֆրանսեզն առաջարկում է հանձնել փորձնական Delf Dalf քննություն և զարգացնել քննություն հանձնելու Ձեր հմտությունները:
Հանձնեք փորձնական Delf Dalf քննություն ինչպես իրական քննության ժամանակ, որից հետո Delf Dalf քննությունը գնահատելու որակավորում ունեցող մեր մասնագետները Ձեզ կներկայացնեն իրենց ամբողջական կարծիքը Ձեր հմտությունների ու գիտելիքների վերաբերյալ:
Փորձնական քննություն հանձնելը ձեզ հնարավորություն կտա`
•ծանոթանալ քննության ձևաչափին,
•ծանոթանալ հարցերի ու տեքստերի ձևերին,
•ստուգել ձեր գիտելիքները սահմանված ժամանակում,
•ստուգել ձեր պատասխանները և ստանալ որակավորված մասնագետի կարծիք
Ձևաչափ
•Գրանցված թեկնածուները կհանձնեն լսելու, կարդալու և գրավոր բաժինները նույն օրը` առանց ընդմիջման:
•Բանավոր քննությունը, կանցկացվի հաջորդ օրը Delf Dalf քննությունը գնահատելու որակավորում ունեցող մեր մասնագետի կողմից
•Քննությունից հետո յուրաքանչյուր թեկնածու կմասնակցի առանձին անհատական հանդիպման, որի ընթացքում մասնագետը կներկայացնի իր կարծիքը՝ հանձնած փորձնական քննության արդյունքների վերաբերյալ և կտա խորհուրդներ՝ հաջողության հասնելու համար:
Խնդրում ենք հաշվի առնել`
•Յուրաքանչյուր մասնակցի համար ուսուցչի հետ հանդիպումը տևում է 15 րոպե և նպատակ ունի ձեզ տրամադրել ամբողջական և մանրամասն տեղեկություն ձեր գիտելիքների ու հմտությունների վերաբերյալ: Խնդրում ենք, ժամանակին ներկայանալ հանդիպմանը և առավելագույն օգուտ քաղել: Մենք խորհուրդ ենք տալիս բաց չթողնել այս հանդիպումը, քանի որ այն անչափ կարևոր է ձեր գիտելքիների մակարդակը հասկանալու համար:
•Հանդիպման ընթացքում մասնագետը ձեզ կտրամադրի համապարփակ կարծիք ձեր փորձնական քննության վերաբերյալ, ինչպես նաև մոտավոր միավորներ` օգտվելով գնահատման սանդղակից: Այդ միավորը կարող է տարբերվել իրական քննության արդյունքից: