Սառույցի արքաները

Ֆորպոստարտ պրոդաքշընը ներկայացնում է «Kings on ice present - Fashion on ice» սառցեշոուն: Այն մոլորակի լավագույն ներկայացումն է սառույցի վրա. միայն չեմպիոններ, միայն համաշխարհային գեղասահքի էլիտան:
Ֆորպոստարտ պրոդաքշընը և Արի Զաքարյանը նոր հայացքի ներքո ներկայացնում են սառցե շոուն նոր ձևաչափում: Շոուի բեմականացումն իրականացնում են հատուկ հրավիրված պարարվեստի մասնագետներ, ռեժիսորներ, սցենարիստներ, ձևավորողներ, գեղանկարիչներ: Մեր պատմությունը դուրս է ժամանակից և սահմաններից: «Kings on ice present - Fashion on ice» շոուն համաշխարհային մակարդակի շոու է՝ սառույցի արքա Եվգենի Պլյուշչենկոյի մասնակցությամբ:
Շոուի մասնակիցները գեղասահքի, էստրադայի աստղեր են, հանրահայտ երաժիշտներ, մոդելավորողներ. Ինչպես նաև կներկայացվեն աշխարհահռչակ դիզայներների նորաձևության հավաքածուներ:
Համաշխարհային գեղասահքի լեգենդ Եվգենի Պլյուշչենկոյի սահքի կախարդիչ ուժն ու գեղեցկությունը, սիրված և գնահատված երգչուհի Մարիամ Մերաբովայի անկրկնելի ձայնը, Էդգար Հակոբյանի վիրտուոզ ձեռքերում հնչող ջութակը կդիպչեն մարդկանց սրտերին:
Ծրագրին մասնակցելու են նաև հայ գեղասահորդներ և Իրինա Ռոդնինայի անվան երևանյան գեղասահքի դպրոցի պատանի սաներ:
Դե ինչ, սպասում ենք ձեզ նոյեմբերի 27-ին, ժամը 19.00-ին Կ. Դեմիրճյանի անվան ՄՀՀ-ում:
Տոմսերի արժեքը՝ 3000, 6000, 10 000, 15 000, 20 000, 30 000, 50 000 (VIP պարտեր) դրամ: