Որտե՞ղ է Ձմեռ պապը. մանկական քվեստ

Որտե՞ղ է Ձմեռ պապը, եկեք միասին փնտրենք:
Նախատոնական միջոցառումների շարքում ՏաՏան հրավիրում է երեխաներին մասնակցել մանկական բացառիկ քվեստի, որի ընթացքում երեխաները ոչ միայն մի լավ կզվարճանան, այլեւ կմարզեն հիշողությունը, ստիպված կլինեն ուշադիր լինել, նաեւ խմբային աշխատանքին նպաստել, որպեսզի հնարավոր լինի հասնել նպատակին ու գտնել հրաշագործ պապին:
Տոնական հրաշքների գլխավոր հեղինակին հայտնաբերելու համար կարիք կլինի.
- մտածել ու տրամաբանել,
- անչափ ուշադիր լինել,
- հարգել եւ օգնել բոլոր մասնակիցներին,
- խմբային համաձայնություն եւ լուծումներ գտնել,
- հրաժարվել հնարավոր բարդույթներից,
- սրտանց վայելել համատեղ հաղթանակի ուրախությունը :):
Վերը նշված բոլոր կետերի դեպքում իհարկե օգնության կհասնեն մեր մասնագետները, բացի այդ, համապատասխան ուրախ ու ջերմ մթնոլորտը միայն կնպաստի որոնողական աշխատանքների արդյունավետությանը :)
Ձմեռ պապին փնտրելու այս անմոռանալի արկածը նախատեսված է դպրոցականների համար՝ 6-14 տարեկան, յուրաքանչյուրն իր անելիքը կունենա հրահանգների հատուկ ցանկից: Մասնակցությունը վճարովի է, մեկ երեխայի համար՝ 2500դրամ, իսկ պապին հայտնաբերելու դեպքում սպասվում է նվեր հյուրասիրություն: Քանի որ տեղերը խիստ սահմանափակ են, նախնական գրանցումը պարտադիր է:
Հանդիպում ենք կիրակի՝ 13:00-ին, մեր հասցեն` Բուզանդի 43, Մարգարյան հիվանդանոցի հարեւանությամբ: