«Տիեզերքն ու Ամանորը»

Սիրով ու մեծ ոգեւորությամբ հրավիրում ենք բոլորին նախատոնական ամենաուրախ համերգին՝ փոքրերի ու մեծերի համար. մենք պատրաստ ենք փոխել նախատոնական «սպառված» միջոցառումների վատ համբավը :)
«Տիեզերքն ու Ամանորը» համերգի ընթացքում հանդես է գալու արդեն բավական սիրված «Տիեզերք» բենդը՝
- Լուսինե Մլքե-Գալստյան (ֆլեյտա, վոկալ),
- Աստղիկ Մամիկոնյան (ջութակ, դաշնամուր, վոկալ),
- Էլիզա Բաղդիյան (կիթառ, վոկալ):
Ծրագրում կհնչեն հիմնականում տոնական ուրախ մշակումներ, նաեւ Կոմիտասի որոշ ստեղծագործությունների եւ ազգային երգերի մշակումներ, որոնցով «Տիեզերք»-ի աղջիկներն արդեն հասցրել են հիացնել շատերին, իսկ անակնկալ նորույթը հայերեն թարգմանված Սուբ Ծննդյան տաղերը կլինեն՝ Christmas Carols:
«Տիեզերքն ու Ամանորը» համերգը նախատեսված է 0-100 տարեկան երեխաների համար, ովքեր ցանկություն ունեն լավ երաժշտությամբ ճանապարհել 2016-ը եւ ողջունել Նոր Տարվան: Փոքրերի համար ոչ միայն հետաքրքիր կլինի լսելը, այլ նաեւ մասնակցելը՝ երբեմն ծափերով, որոշ դեպքերում երգով եւ անգամ շարժումներով, որ աղջիկները կհուշեն բեմից: ՏաՏայի անձնակազմը նույնպես հոգ կտանի, որ երեխաներն այս համերգը երկար ու ժպիտով հիշեն:
Հանդիպում ենք դեկտեմբերի 26-ին՝ 19:00-ին, Բոհեմ թատրոնում՝ Գրողների միության շենք, հասցեն՝ Բաղրամյան 3: Համերգի մուտքը տոմսերով է, որոնք հասանելի են էլեկտրոնային գնման կամ առաքման համար, արժեքը՝ 1000-4000դրամ: Մինչեւ 4 տարեկան երեխաների համար, եթե կարող են մեծահասակի գիրկը նստել եւ առանձին տեղ չզբաղեցնել, գործում են «գրկի տոմսեր», որոնց արժեքը 600դրամ է: