«Աշխարհի ամենալավ,ամենահոյակապ,ամենահրաշալի պապիկները» գիրքը

Մայիսի 20-ին ՏաՏա. մայրիկիս օգնականը / TaTa: Mom's helper մանկական զարգացման կենտրոնի հարակից Մաշտոցի պուրակում տեղի կունենա «Աշխարհի ամենալավ, ամենահոյակապ,ամենահրաշալի պապիկները» մանկական գրքի բացօթյա շնորհանդեսը:
Առաջին անգամ հայերեն է թարգմանվում հոլանդացի հայտնի գրող, Gouden Griffel մրցանակի կրկնակի դափնեկիր Յան Պաուլ Սխուտենի և նկարիչ-իլյուստրատոր, հոլանդական Disney ամսագրի, Donald Duck-ի ծաղրանկարիչ Կեյս դը Բուրի գիրքը:
Սա փոքրիկ Հայկի և իր պապիկների մասին մի հետաքրքիր պատմություն է: Հայկն ունի 3 պապիկ: Դե, նա, իհարկե, երեք տատիկ էլ ունի: Բայց տատիկները պապիկների ձեռքը կրակն ընկել, տեղափոխվել են բոլորովին ուրիշ՝ հեռո՜ւ, շա՜տ հեռու մի տեղ՝ ոչ ավել, ոչ պակաս նույն փողոցի դիմացի մայթի տուն:
Պապիկները Հայկի համար հեծանիվ են սարքում, որպեսզի դպրոց գնա: Երբ Հայկը դժգոհում է ծակ անվադողերով, թեք ղեկով ու ծուռ ակներով հեծանվից, մի քիչ չափազանցնող, մի քիչ գլուխգովան պապիկները պատմում եմ անհավանական արկածներով լի իրենց մանկության պատմությունները՝ անպայման վերջում ավելացնելով՝ «Այո՛, տղա՛ս, մեր ժամանակ այդպես էր»:
Պապիկները կարծես մրցում են իրենց մանկությունը որքան հնարավոր է եզակի և անկրկնելի ներկայացնելու համար: Այդպիսին են աշխարհի ամենալավ պապիկները և, կարծում ենք, անչափ հարազատ նաև հայ ընթերցողին:
Զվարճալի նկարազարդումներով այս պատմությունն ամենալավ նվերը կլինի հայ թոռնիկների համար, իսկ մեծիկներին հնարավորություն կընձեռի «նստել ժամանակի մեքենան», այս դեպքում՝ հեծանիվը, և մի քանի րոպեով վերադառնալ մանկություն:
Երբ՝ մայիսի 20 (շաբաթ), 16:00
Որտեղ՝ Մաշտոցի պուրակ
Ում համար՝ շնորհանդեսը հետաքրքիր կլինի 5-9 տ. երեխաների համար
Գրանցվելու համար՝ https://goo.gl/O1wxB8
Շնորհանդեսի պլանը
16:00 – Աշխարհի ամենալավ պապիկը ներկայացնում է հեղինակին, նախագծի հեղինակներին:
16:10 – Աշխարհի ամենալավ պապիկը ներկայացնում է գիրքը
16:20 – Աշխարհի ամենալավ պապիկը գրքի մասին 2-3 հարց կտա երեխաներին, կանցկացվի«գլուխգովալու մրցույթ»:
16:20 – Երևանի ամենալա՜վ պապիկը հյուր կգա իր հեծանվով:
16:30 – Գրքի վաճառք և ստորագրում հեղինակի կողմից:
/Գինը 3000 դրամ/ Գրքի մեջ կլինեն նվերներ Gayluk.am-ից և Bookinist / Բուկինիստ-ից, իսկ ՏաՏա. մայրիկիս օգնականը / TaTa: Mom's helper կենտրոնը կխաղարկի նվերներ:
Խրախուսվում է, որ Մաշտոցի պուրակ երեխաները գան իրենց հեծանվով, dlb.am-ի հեծանվի գուռուները կբացահայտեն նրանց համար հեծանվի բոլոր գաղտնիքները, իսկ ամենաակտիվ մասնակցին կսպասի նվեր: