Բաց դաս ՆԱՄ-ում

Մայիսի 30-ին՝ ժամը 19:00-ին, «Նարեկացի» արվեստի միությունում տեղի կունենա բաց դաս՝ Ալեքսան Հարությունյանի և «Աստղիկներ» մանկապատանեկան կենտրոնի սաների մասնակցությամբ:
Միջոցառումը կրում է «Մենք հայ ենք» խորագիրը։
Երեկոյի ընթացքում կհնչեն հայկական և ժողովրդական երգեր։
«Աստղիկներ» մանկապատանեկան անսամբլը հիմնադրվել է 2008 թվականին Լիլիթ Դանիելյանի կողմից։
Մանկապատանեկան անսամբլը բազմաթիվ երաժշտական համերգներ և ծրագրեր է ունեցել, որոնցից ամենահայտնին «Աստղիկ» հեռուստատեսային մրցույթն է, որն իրականացվել է «Շանթ» հեռուստաընկերության հետ։
Անսամբլը նաև համերգներով հանդես է եկել Պարսկաստանում, ԱՄՆ-ում և Հայաստանի մարզերում։
«Աստղիկներ» մանկապատանեկան կենտրոնի հիմնադիր ղեկավար՝ Լիլիթ Դանիելյան
Գեղարվեստական ղեկավար, խմբավար՝ Ալեքսան Հարությունյան
Մուտքն ազատ է: