Ապրիլյան 100 ծաղիկ

Հունիսի 5-ին՝ ժամը 14:00-ին, «Նարեկացի» արվեստի միությունում տեղի կունենա գեղանկարիչ Արմեն Գալումյանի ցուցահանդեսը:
Ցուցահանդեսը կրում է «Ապրիլյան 100 ծաղիկ» խորագիրը, որը նվիրված է 2016 թվականի ապրիլյան քառօրյա պատերազմում զոհված տղաների հիշատակին:
-Քառօրյա ազատամարտի հերոսների գործած սխրանքն անմահ է:
Ցուցահանդեսում ներկայացված նկարների միջոցով ես փորձել եմ խոսել նրանց հետ և ասել, թե որքան ենք նրանցով հպարտանում և որքան երախտապարտ ենք նրանց:
Ես հանրությանն եմ ներկայացնում այդ օրերին ապրած ցավից ծնված գործերս,-նշում է Արմեն Գալումյանը:
Գեղանկարիչ Արմեն Գալումյանը սովորել է Երևանի զարդակիրառական արվեստի արհեստագործական պետական ուսումնարանում, ապա Հայկական պետական մանկավարժական համալսարանի գեղարվեստի ֆակուլտետը:
1993 թվականին ստեղծագործական գործունեություն է ծավալել Մոսկվայում, 1998-1999 թթ.՝ Գերմանիայում, 2000-2001 թթ.՝ Չեխիայում, 2001-2002 թթ.՝ Մոլդովայում: 2005 թվականից մինչ օրս կազմակերպում է անհատական դասընթացներ:
2009 թվականի հունիսին «Նարեկացի» արվեստի միությունում հանդես է եկել անհատական ցուցահանդեսով:
Մուտքն ազատ է: