Ցուցադրաշար «Ականաթ» գալերիում. «Շոն Մաքալիսթեր. Ինքնության և արտացոլանքի միջև»

«Ականաթ» գալերին և Ժամանակակից արվեստի ինստիտուտը վավերագրական կինոյի սիրահարներին փետրվարի 23--ին՝ ժամը 19:00-ին հրավիրում է ականավոր բրիտանացի կինովավերագրող, «Սանդենս» կինոփառատոնի մրցանակակիր Շոն Մաքալիսթերի ֆիլմերի ցուցադրաշարին, ով հայ հանդիսատեսին ներկայացել է 2013-ի հոկտեմբերին՝ Հայաստանում Մեծ Բրիտանիայի դեսպանատան կողմից անցկացվող Բրիտանական օրերին:
Մուտքը՝ 1000 դրամ, ներառյալ՝ մեկ գավաթ գինի և նախուտեստներ:
Ցուցադրվելու է " Հեղափոխականը" (2012/ UK, Ireland) լիամետրաժ վավերագրական ֆիլմը, որից հետո հեղինակի հետ առցանց կհանդիպենք և քննարկում կանենք:
Ֆիլմը հեղափոխության մեջ ընկղմվող Եմենի մտերմիկ դիմանկար է՝ պատմված զբոսավար Կաիսի տեսանկյունից, ով խելամտորեն մեկնաբանում է փոփոխվող ժամանակները Եմենում՝ առաջարկելով արտացոլանքի, կորստի, զայրույթի ու հեղափոխությանը տանող անհայտ ուղու հանդեպ հույսի դառը պահեր։ Նկարահանված 2011-ի ընթացքում՝ բացառիկ մատչումով դեպի երկիր, ուր այլ նկարահանող խմբերի կամ լրագրողների այլևս արգելված էր մնալ, ականատես ենք լինում Կաիսի ճամփորդությանը իշխանամետից՝ ակամա հեղափոխականի, ով, ի վերջո, զայրացած ցուցարարներին միանում է Սանաաի հարաճուն արնաշաղախ փողոցներում։
Տևողությունը՝ 71 ր