Կինոդիտում «Առաջին շուրջերկրյա ճանապարհորդությունը»

«Հայկական աշխարհագրական նախագիծը» հունիսի 18-ին, ժամը 19:30 Թիմ Թայմ հակասրճարանում սկսում է «Աշխարհագրական Մեծ Հայտնագործություններ» ֆիլմաշարի դիտումը: Ֆիլմաշարը բաղկացած է 5 մասից:
Աշխարհագրական մեծ հայտնագործությունների ժամանակաշրջանն անվանում են նաև նավարկությունների ժամանակաշրջան, երբ եվրոպացիները կապ հաստատեցին Աֆրիկայի, Ամերիկայի, Ասիայի, Օվկիանիայի հետ և քարտեզագրեցին հետազոտված աշխարհը։ Տվյալ ֆիլմաշարը պատմում է մարդկության պատմության մեջ տեղի ունեցած ամենաշրջադարձային հայտնագործությունների մասին:
Առաջին ֆիլմը պատմում է 1522 թվականին շուրջերկրյա ճանապարհորդություն կատարած Ֆերնան Մագելանի մասին: Մագելանի մասին շատերն են լսել, բայց քչերը գիտեն նրա ճանապարհորդութան իրական նպատակը: Նա ամենևին չէր պատրաստվում ամբողջ աշխարհով պտտվել, բայց այնպես ստացվեց, որ նրա նավարկությունը տեղ գտավ համաշխարհային պատմության մեջ:
Ֆիլմի տևողությունը՝ 60 րոպե
Ֆիլմի լեզուն՝ ռուսերեն
Կինոդիտումից հետո տեղի կունենա քննարկում
Մուտքավճարը՝ 1000 դրամ
(արժեքի մեջ ներառված է նաև թեյ, սուրճ, քաղցրավենիք)