Ցուցահանդես ՆԱՄ-ում | Exhibition at NAI

Հուլիսի 9-ին՝ ժամը 18:30-ին, «Նարեկացի» արվեստի միությունում տեղի կունենա մանկավարժ, նկարիչ, դիզայներ Հերիքնազ Խաչիկյանի՝ «Հայկական պար» խորագիրը կրող ցուցահանդեսը:
Ցուցահանդեսին կներկայացվեն աշխատանքներ` հայկական կիրառական արվեստի վերականգնված դդմարվեստ ճյուղից, ինչպես նաև գործվածքների մի քանի տեսակներ (գոբելեն, գորգ, կարպետ):
Միջոցառման ընթացքում երաժշտական համարներով հանդես կգան Ռուզաննա Ղարաջյանն ու Մերի Քարտաշյանը:
Հերիքնազ Խաչիկյանն այժմ սովորում է ՀՊՄՀ մագիստրատուրայում` գեղարվեստական կրթության ֆակուլտետի կերպարվեստի բաժնում. մասնակցել է մի շարք անհատական և խմբակային ցուցահանդեսների:
Մուտքն ազատ է: