Գրքի շնորհանդես ՆԱՄ-ում | Book Presentation at NAI

Դեկտեմբերի 13-ին` ժամը 19:00-ին, «Նարեկացի» արվեստի միությունում տեղի կունենա Հելբերտ Ասատրյանի՝ «Պատանի շվիահար» ուսումնական ձեռնարկի շնորհանդեսը:

Միջոցառումը կրում է «Կոմիտասյան շվիի ճանապարհը մինչև մեր օրեր» խորագիրը:

Գիրքը նախատեսված է երաժշտական, արվեստի դպրոցներում և միջին մասնագիտական հաստատություններում սովորողների համար:

Միջոցառմանն իրեց մասնակցությունը կցուցաբերեն Հելբերտ Ասատրյանը (շվի, թավշվի), Մարինե Ասատրյանը (քանոն), Նարեկ Կազազյանը (դաշնամուր), Քրիստինե Մնացականյանը (սանթուր), Աննա Համբարձումյանը (սանթուր), Նարեկ Հեքեքյանը (թավջութակ):

Միջազգային և հանրապետական մրցույթների մրցանակակիր Հելբերտ Ասատրյանը հանդիսանում է Հայաստանի ազգային նվագարանների պետական նվագախմբի մենակատար-շվիահար և Երևանի Սայաթ-Նովայի անվան երաժշտական դպրոցի շվիի ուսուցիչ:

Մուտքն ազատ է:
Հասցե՝ ք. Երևան, Վարդանանց 16/1