Ֆիլմի ժամ՝ "Հոգու խոհանոց" / Movie Time: Soul Kitchen

Այս հինգշաբթի ԷՕՆ-ում դիտելու ենք գերմանացի ռեժիսոր Ֆաթիհ Աքինի «Հոգու խոհանոց» կատակերգությունը: Ֆիլմը պատմում է Զինոսի՝ հունական ծագումով մի գերմանացու մասին, ով Համբուրգի հին պահեստային տարածքում գտնվող «Հոգու խոհանոց» կոչվող մի կիսախարխուլ ու հնամաշ ռեստորանի սեփականատեր է: Նրա բիզնեսը ծանր վիճակում է, իսկ հարկային տեսուչները պահանջում են վճարել պարտքերը: Երբեմն մի փանք-ռոք խումբ է օգտագործում ռեստորանը որպես փորձատեղ, բայց երբևէ չի վճարում դրա դիմաց: Զինոսին ընկերուհին լքում է նրան ՝ Չինաստանում աշխատելու համար: Այս ձախորդությունների հորձանուտում Զինոսը որոշում է վարձել մի հայտնի խոհարարի՝ իրավիճակը շտկելու հույսով:
Մուտքը `1000 դրամ (ամբողջ միջոցառման համար, ներառյալ թեյ/սուրճ/քաղցրավենիք)
Տևողություն՝ 99 րոպե
Լեզու՝ գերմաներեն
Ենթագրեր՝ անգլերեն