«Տգեղը»

«Տգեղը»
Մարիուս ֆոն Մայենբուրգ
The performance will be in Armenian, with English subtitles.

Նոյեմբերի 27-ին, ժամը՝ 19։00
Բեմադրիչ՝ Մհեր Զաքարյան

Լեթթեն տգեղ է։ Այնքան տգեղ, որ իր իսկ գյուտը ներկայացնելու պատիվը վստահում են ուրիշին, իսկ սեփական կինը խուսափում է նրա դեմքին նայելուց։ Միակ ելքը պլաստիկ վիրահատությունն է, որը նրան օժտում է անդիմադրելի գեղեցկությամբ՝ բերելով փառք, հարստություն ու հաջողություն։
Սակայն շուտով նրա նոր դեմքը վերածվում է ապրանքի, որն սկսում են զանգվածաբար պատճենել ու վաճառել բոլորին, և Լեթթեն կորցնում է սեփական ինքնության զգացողությունը։
Գերմանացի դրամատուրգի այս սուր ու անխնա երգիծանքը արտաքինի մոլուցքի, գեղեցկության պարտադրված չափանիշների և սեփական «ես»-ը կորցնելու վտանգի մասին է։
Բեմադրության մեջ սպիտակ բեմը վերածվում է վիրահատարանի ու արվեստանոցի, որտեղ դեմքերը հանդիսատեսի աչքի առաջ քանդակում են, ներկում ու վերաձևում։

Տոմսերի արժեքը՝ 2000, 3000 դրամ

Ներկայացումը բեմադրվել է ԵԹԿՊԻ-ի Երիտասարդական էքսպերիմենտալ թատրոնում՝ Հայաստանում Գյոթե ինստիտուտի հետ համագործակցության շրջանակում։
Կազմակերպիչ՝ ԵԹԿՊԻ Երիտասարդական Էքսպերիմենտալ թատրոն