«Ճամփորդենք Խաչատրյանի հետ» | Անիմացիոն ֆիլմի ցուցադրություն
Խաչատրյանի անվան 14-րդ միջազգային փառատոնի շրջանակում դեկտեմբերի 14-ին Արամ Խաչատրյանի տուն-թանգարանում տեղի
կունենա «Ճամփորդենք Խաչատրյանի հետ» անիմացիոն ֆիլմի ցուցադրությունը:
Արամ Խաչատրյանի տուն-թանգարանի ինտերակտիվ կրթական ծրագիրը միավորում է քարտեզը, խաղը, բջջային հավելվածն ու վիրտուալ
իրականության (VR) տեխնոլոգիաները՝ մասնակիցներին հնարավորություն տալով բացահայտելու կոմպոզիտորի կյանքի և
ստեղծագործական գործունեության հետաքրքիր դրվագները։
Ծրագրի ընթացքում մասնակիցները կծանոթանան Խաչատրյանի համերգային շրջագայությունների աշխարհագրությանը, նրա
հանդիպումներին և VR ակնոցի միջոցով կդառնան «Սուսերով պարի» ստեղծման վիրտուալ ականատեսը։
Սա հնարավորություն է Խաչատրյանի երաժշտական աշխարհը բացահայտելու նորարարական, ինտերակտիվ և անմիջական փորձառության միջոցով։
Դեկտեմբերի 14, երկուշաբթի
13:00
Տոմսերի արժեքը՝ 3000 դրամ
Արամ Խաչատրյանի տուն-թանգարան
Փառատոնը կազմակերպում է «Արամ Խաչատրյան» մշակութային հիմնադրամը՝ ՀՀ կրթության, գիտության, մշակույթի և սպորտի նախարարության աջակցությամբ։
