Վերադարձի դասական երաժշտության 8-րդ փառատոնի բացման համերգ
Անի Բատիկյան, ջութակ /Մեծ Բրիտանիա/
Աստղիկ Վարդանյան, ջութակ,
Սվետլանա Նավասարդյան, դաշնամուր,
Վահան Մարտիրոսյան, դաշնամուր/դիրիժոր
Հայաստանի պետական կամերային նվագախումբ
Գեղարվեստական ղեկավար և գլխավոր դիրիժոր՝
Վահան Մարտիրոսյան
Հոկտեմբերի 19-ին կմեկնարկի Դասական Երաժշտության 8-րդ Փառատոնը` նվիրված Հայոց Մեծ Եղեռնի 100-րդ Տարելիցին:
2015-ին իրականացվելիք Փառատոնի շրջանակներում ընդգրկված են տաղանդաշատ հայ և օտարազգի երաժիշտներ Հայաստանից, Ֆրանսիայից, Բելգիայից, Ճապոնիայից, Մեծ Բրիտանիայից:
Փառատոնի 5 համերգների ընթացքում հայ հանդիսատեսին կներկայացվեն դասական երաժշտության տարբեր ուղղություններ և ժամանակաշրջաններ ընդգրկող ստեղծագործություններ:
Փառատոնի հանդիսավոր բացման համերգի /Հոկտեմբերի 19, ժ. 19.00, Արամ Խաչատրյան համերգասրահ/ ընթացքում առաջին անգամ կհնչի Ստեփան Լուսիկյանի “Դեպի Գողգոթա” Դաշնամուրային Կոնցերտը` ՀՀ Ժողովրդական արտիստ Սվետլանա Նավասարդյանի մենակատարմամբ: Նույն համերգին հանդիսատեսը նաև հնարավորություն կունենա ունկնդրելու երկար տարիներ երևանյան համերգասրահներում չկատարված Էդգար Հովհաննիսյանի “Կոնցերտ Բարոկոն” /մենակատար` Անի Բատիկյան, Մեծ Բրիտանիա/, Ալֆրեդ Շնիտկեի թիվ 1 Կոնչերտո Գրոսսոն /մենակատարներ` Անի Բատիկյան, Աստղիկ Վարդանյան/, Տիգրան Մանսուրյանի Ֆանտազիա դաշնամուրի և լարայինների համար ստեղծագործությունը /Սվետլանա Նավասարդյան/: Փառատոնի հանդիսավոր բացման համերգի նվագախումբը Հայաստանի պետական կամերային նվագախումբն է, որի գեղարվեստական ղեկավար և գլխավոր դիրիժոր Վահան Մարտիրոսյանը հանդես կգա նաև որպես դաշնակահար` Յ. Ս. Բախի ֆա մինոր Դաշնամուրային Կոնցերտի կատարմամբ:
Free delivery. Pay on delivery.
For support please call +374 60 276 000
For support please call +374 60 276 000
Cocomelon Mega Show
State theatre of musical comedy after Hakob Par...
Տոմսերի արժեքը՝ 2000 - 8000 դր.: