Հպարտության և գթասրտության օր. միասին օգնենք մեր վիրավոր զինվորին

Սիրելի ընկերներ, հունվարի 28-ի հպարտությունը ու տոնական ուրախությունը ուզում ենք համատեղել գթասրտության հետ և հրավիրում ենք ՊԼԱՏՈ` ճաշակելու մեր խոհարարի կողմից հատուկ այդ օրվան նվիրված խնձորի կարկանդակի հյուրասիրությանը և դրամահավաքին, որը հատկացնելու ենք Նարեկ Դարբինյանին` բուժման նպատակով: Նա Վարդենիսից է և վիրավորվել է Արցախի Մարտունու շրջանի խրամատներում 2014 թ.սեպտեմբերի 29-ին: Նարեկը վնասվածք է ստացել ողնաշարի շրջանում: Նարեկը դեռ նոր է դարձել 20 տարեկան, բայց իսկական հերոսի վարքագիծ է դրսևորել շփման գոտում։ Ապաքինման և առողջության վերականգնման համար նրան անհրաժեշտ է մեր ֆինանսական օժանդակությունը, քանի որ սոցիալապես անապահով ընտանիքից է:
Հյուրասիրությունն իհարկե անվճար է, իսկ գումարի նվիրաբերումը` ըստ հայեցողության: