Շարականների ուսուցման երեկո ՆԱՄ-ում

Oգոստոսի 19-ին՝ ժամը 19:00-ին, «Նարեկացի» արվեստի միությունում, Վարուժան Մարգարյանի ղեկավարությամբ, տեղի կունենա շարականների ուսուցման երեկո:
Միջոցառման ներկաները կծանոթանան շարականների՝ հայ միջնադարյան հոգևոր երգերին, օրհներգություններին:
1991 թվականին Թորգոմ Մանուկյան պատրիարքի հրավերով՝ Վարուժան Մարգարյանը մեկնել է Երուսաղեմ, որպես ուսուցիչ, դպրապետ, եկեղեցական երաժշտության պատասխանատու աշխատելու՝ Սրբոց Հակոբյանց միաբանության Սուրբ Հակոբ եկեղեցում:
Կանադահայոց Առաջնորդ Բագրատ Գալստանյանի հրավերով՝ երկար տարիներ ծառայել է Մոնրեալի Սուրբ Գրիգոր Լուսավորիչ եկեղեցում՝ որպես ուսուցիչ և դպրապետ:
Այժմ Երուսաղեմի պատրիարք Նուրհան Արք. Մանուկյանի հրավերով՝ շարունակում է ծառայել Սուրբ Հակոբ եկեղեցում՝ որպես դպրապետ և եկեղեցական երաժշտության ուսուցիչ:
Երուսաղեմում հրատարակել է տաղավար և հոգևոր տոների մի շարք տետրակներ:
Մուտքն ազատ է: