Շուշիի «Վարանդա» երգչախմբի 25-ամյակ
Folk
Ս. թ. սեպտեմբերի 15-ին` ժամը 19:00-ին, Երևանի կամերային երաժշտության տանը տեղի կունենա ԱՀ մշակույթի և երիտասարդության հարցերի նախարարության «Վարանդա» մանկա-պատանեկան և երիտասարդական պետական երգչախմբի (Շուշի) հոբելյանական համերգը` նվիրված երգչախմբի հիմնադրման 25-ամյակին:
Երգչախումբը հիմնադրվել է 1992 թ. Շուշիի «Արամ Մանուկյան» վարժարանում լիբանանահայ Զաքար Քեշիշյանի ջանքերով: Երգչախումբը ավելի քան 250 համերգով հանդես է եկել Արցախի տարբեր շրջաններում, ինչպես նաև ՀՀ-ում և Լիբանանում:
Հիմնադրման օրվանից ի վեր երգչախմբում երգել են ավելի քան 600 պատանիներ և երիտասարդներ: 25 տարվա ընթացքում երգչախմբի երգացանկում տեղ է գտել 100-ից ավելի նոր երգ: Երգչախմբի առաջին`«Բերդաքաղաք» խորագրով խտասալիկը լույս է տեսել 2004 թ.:
«Վարանդա» երգչախմբի գեղարվեստական ղեկավարը և խմբավարն է Զաքար Քեշիշյանը:
Համերգն իրականացվում է Համազգային հայ կրթական և մշակութային միության աջակցությամբ և «Փյունիկ» համահայկական հիմնադրամի հովանավորությամբ:
Համերգի մուտքն ազատ է:
