Երաժշտության մութ կողմերը. ռիթմ, մեղեդի, հարմոնիա, բաս

«Նոյյան տապան» գրախանութը և Ժամանակակից արվեստի ինստիտուտը հրավիրում են բոլոր հետաքրքրվողներին բացահայտելու երաժշտության գաղտնի և մութ կողմերը՝ ռիթմը, մեղեդին, հարմոնիան ու բասը. չորս թաքուն տարր, որոնց շնորհիվ ստեղծվում է երաժշտությունը:
Նորածին երեխան ամենաառաջինն արձագանքում է հենց այս տարրերին: Այսինքն, ի ծնե մարդը երաժշտության մասին գիտի ավելին, քան կարծում է: Երբեմն դա միայն ինտուիտիվ, ենթագիտակցական գիտելիք է, ինչը, իհարկե, բավարար է երաժշտությունը սիրելու համար: Դաշնակահար, երաժշտագետ Մարինե Կարոյանի օգնությամբ մենք կփորձենք սիրելուց զատ հասկանալ երաժշտությունը:
Կհանդիպենք չորս անգամ՝ ամեն ուրբաթ, ժամը 18:00-ին:
Առաջին հանդիպման ժամանակ` փետրվարի 2-ին, կհետազոտենք ռիթմը: Կքննարկենք, կասկածի կենթարկենք, կվիճենք, և, բնականաբար, բարձրակարգ երաժշտություն կլսենք:
Մուտքավճարը՝ 1000դր.