Աղջիկն ու մահը / La Vita Nuova
«Աղջիկն ու մահը»
Բեմադրող-խորեոգրաֆ՝
Արա Ասատուրյան
Դերակատարներ՝
Թագուհի Մարկոսյան,
Տիգրան Մանուկյան,
Անի Վարդանյան
«La Vita Nuova»
Բեմադրող-խորեոգրաֆ՝
Ռիմա Պիպոյան
Դերակատարներ՝
Դավիթ Գրիգորյան,
Արմինա Խաչատրյան,
Ռիմա Պիպոյան
«Աղջիկն ու մահը» հեքիաթը պատմություն է բնության կործանարար ուժերի նկատմամբ մարդու ապրելու և սիրելու խելահեղ ցանկության հաղթանակի մասին:
Անխուսափելի կործանման եզրին հայտնված Աղջիկն աղերսում է, որ մահն իրեն գեթ մեկ սիրո գիշեր էլ պարգևի, սակայն կրկին հայտնվելով սիրած տղայի գրկում, նա մոռանում է լուսաբացին ետ գալու իր խոստւմը...
Զայրացած մահը գալիս է աղջկան տանելու, բայց, տեսնելով սիրահարներին, տեղի է տալիս նրանց սիրո ուժի առաջ։
Մաքսիմ Գորկու այս փոքր պոեմը գովերգում է սիրո ամենահաղթ ուժը և բոլոր նրանց, ովքեր համարձակվում են սիրել, նույնիսկ իմանալով , որ այդ ամենը մի օր կավարտվի։
Այսպիսի սիրո առաջ անգամ մահն է նահանջում և անգամ մահն անկարող է դիմադրել այս մեծ զգացմունին։
Ռիմա Պիպոյանի “La Vita Nuova” պարային ներկայացումը Դանթե Ալիգիերրի համանուն ստեղծագործության ներկայացումն է՝ մարդու ներքին ապրումների, զգացկունքների մասին։ Ոգեղեն, պարփակված, ողբերգակն և աստվածային սիրո մասին. սեր, որ ընդունակ է փոխելու, հեղաշրջելու և հավերժացնելու...
Բեատրիչեի հետ առաջին հանդիպումից հետո Դանթեն մուտք է գործում նոր կյանք, որից հետո նա պետք է ողջ մնացյալ կյանքը փառաբանի Բեատրիչեին։
Ներկայացումը սկսվում է Դանթեի ծնունդով և ավարտվում «Աստվածային կատակերգություն» պոեմի ստեղծման առաջին տողերով։
Order Gift Card 
Add Event 
Contact Us 
