Ձուկն առանց ջրի կամ Suicide

Արմեն Խանդիկյան, Լևոն Մութաֆյան՝ «Ձուկն առանց ջրի կամ Suicide» տրագիկոմիկական ֆանտազիա առանց ընդմիջման։
Գլխավոր հերոսը՝ Բարդուղիմեոսը ապրում է լքված թատրոնում, իր երևակայական աշխարհում, իր ստեղծած ծաղրածուի հետ... Ստեղծագործ-արտիստը չի կարողանում հաշտվել գլխիվայր շրջված աշխարհի հետ, իսկ մարդիկ, ամբոխը հենց դա է նրանից պահանջում, չտարբերվել իրենցից... Բայց Բարդուղիմեոսին չես փոխի, նույնիսկ կրակելով նրա վրա: Նա ինքը անում է ամեն ինչ, որպեսզի փոխվի անհեթեթ իրականությունը, որ ուշքի գան կեղծիքի մեջ ապրող մարդիկ: Նրա խոսքերն են.ՙՙ Բոլոր արժեքները պղծված են, վարկաբեկված, ծիծաղի առարկա դարձրած... Չկա խելք, միտք, տրամաբանություն... Գուցե այլևս ազգ չենք, գուցե ժողովուրդ ենք, գուցե ընդամենը բնակչութո՞ւն... Մոռացել ենք ո՞վ ենք, որտեղից ենք գալիս , ուր ենք գնում... ՚՚: Ներկայացումը զուգահեռներ է տանում վերջին 30 տարիների մեզ հետ տեղի ունեցած իրադարձությունների հետ:

14+
Ներկայացման տևողությունը՝ 1ժամ 40ր
Տոմսերի արժեքը՝ 2000, 3000 դրամ: