Ռոքն ընդդեմ երեխաների հիվանդությունների
Empyray,
Lelocity,
Nemra
Սոնա Ռուբենյան
Հատուկ հյուր՝
Անդրե Սիմոնյան
«Օգնենք հայ մանուկներին» բարեգործական ՀԿ-ն սիրով հայտնում է, որ ամառային հարաբերական դադարից հետո նոր ուժերով շարունակում է ակտիվ գործունեությունը և սույն թվականի սեպտեմբերի 12-ին՝ ժամը 19:00-ին, Հովհ. Թումանյանի անվան պետական տիկնիկային թատրոնում բոլորիդ հրավիրում է ներկա գտնվելու հերթական բարեգործական ռոք համերգ-երեկոյին: Հարմերգին մասնակցելու են սիրված և ճանաչված ռոք խմբեր՝ Empyray, Lelocity և Nemra, իբչպես նաև անհատ կատարողներ՝ Սոնա Ռուբենյանը և որպես հատուկ հյուր՝ The beautified project խմբի մենակատար Անդրե Սիմոնյանը:
Համերգից ստացված հասույթն ամբողջությամբ փոխանցվելու է Մանե Հարությունյանի ընտանիքին: Երեխայի մոտ ախտորոշվել է երկկողմանի 4-րդ աստիճան սենսոնևրալ ծանրալսություն (խլություն): Հիվանդության միակ լուծումը կոխլեար իմպլանտացիան է: Մանեն ունի նաև ներքին ականջների անոմալիա, որի պատճառ վիրահատությունը Հայաստանում անհնար է: Մասնագետների հավաստմամբ անհրաժեշտ է կատարել լսողական հիմնուղեղային իմպլանտացիա: Այս վիրահատությունը հազվագյուտ է ամբողջ աշխարհում, ինչպես նաև հազվագյուտ են հիմնուղեղային իմպլանտացիա իրականացնող վիրաբույժները:
Մանեի վիրահատության և բուժման համար անհրաժեշտ է 33.000 եվրո, որի մեծ մասն արդեն հավաքվել է: Այս պահին անհրաժեշտ է ևս 5000 Եվրո Մանեին օգնելու համար:
Համերգի տոմսերի արժեքներն են` 1000, 2000, 3000, 4000 և 5000 դրամ:
Սիրով կսպասենք բոլորիդ: